Zamu sake tsaurara tsaro saboda sanyi:’Yan sanda

Rundunar ‘yan sandan jihar Kano tace ba zata saurarawa duk wanda ta samu da haura gidan mutane ko fasa shaguna ba a lokacin sanyi.

Mai magana da yawun rundunar ‘yan sandan Jihar Kano, SP Abdullahi Haruna Kiyawa ne ya bayyana hakan a zantawar sa da Freedom Radio.

Kiyawa ya kuma ja hankalin al’umma da suka rika kashe wutar da suka yi amfani da ita bayan kammala girki ko kashe wutar lantarki yayin kwanciya bacci, don gujewa afkuwar gobara.