Zamu yi amfani da na’ura don rage afkuwar hadurra-Ganduje

Gwamnatin jihar Kano ta bullo da tsarin duba ababen hawa ta hanyar amfani da na’ura don rage yawan aukuwar hadari.

Gwamna Abdullahi Umar Ganduje, ne ya bayyana hakan yayin rufe taron masu ruwa da tsaki kan harkokin sufuri, karo na 16 da ya gudana jiya a Kano.

Ganduje, wanda ya samu wakilcin mataimakinsa, Alhaji Nasiru Yusuf Gawuna, ya ce an dauki sabon tsarin duba ababen hawa ne don tabbatar da tsaron masu amfani da su.