Zamuyi aiki kafada da kafada da ma’aikata Shari’a-Abba El Mustapha

Hukumar tace Fina-finai da Dab’i ta Jahar Kano ta shirya tsaf domin Hada hanu da Hukumar Shari’a ta Kano dan tsaftace harkar Fina-finai tare da kawo cigaba a masana’antar kannywood.

Shugaban Hukumar tace Fina-finan ne ya bayyana haka yayin wata ziyarar kulla alaka a tsakankanin hukumomin Biyu.

Alhaji Abba El-mustapha yace hakika kulla wannan alaka zai taimakawa Hukumar Sa cimma Nasarorin datasa agaba.

Ya kuma nemi hukumar ta Shari’a da ta cigaba da bashi shawara a dukkan ayyukansa

Hukumar ta tace Fina-finai domin yayi Nasara.

Shima anasa Jawabin Shugaban Hukumar shari’ar na rikon kwarya Dr. Gwani Yusha’u Abdullahi Bichi cewa yayi ‘kofar su abude take domin bayar da dukkan shawarwarin da zasu taimaki Hukumar ta tace Fina-finai.

Shugaban Hukumar Shari’ar yakuma nuna farin cikin su dangane da ziyarar da Alh. Abba El-mustapha ya kawo musu a matsayin sabon Shugaban Hukumar tace Fina-finai da Dab’i ta Jahar Kano.