Zauren malamai ya bukaci majalisar Kano ta karbe gini ko fili da wasu suka mallaka na masallacin waje dake fagge

Zaurin hadinkan Malamai da kungiyoyin musulinci na Kano ya yabawa majalisar dokokin jihar Kano dangane da dakatar da ci gaba da gine harabar masallacin waje dake Fagge.

Babban sakataren zauren Dakta sa’idu Ahmad Dukawa ne ya bayyana hakan ta cikin wani sakon murya da ya aikowa Freedom Radiyo a ranar Laraba 06 ga watan Oktobar 2021.

Zauren ta cikin sanarwar ya kuma bukaci majalisar dokokin, data karfe duk wani gini ko fili da wasu mutane suka mallaka na masallacin.

Sa’idu Ahmad Dukawa ya ce masallacin na daya daga cikin wuraren da al’ummar musulmi sukafi bukatar sa.

Zauren ya kuma bukaci al’umma da su yi hakuri su bibiyi yadda zata kasance da masallacin a yanayi na bin doka da oda.