Ƙasar Saudiyya ta tabbatar da ganin Watan Dhul Hijjah a yau

Ƙasar Saudiyya ta sanar da ganin jaririn watan Dhul Hijjah a yau Laraba.

Wannan ne ya nuna cewa gobe Alhamis 30 ga watan Yuni zai kasance 1 ga watan Dhul Hijjah.

Shafin da ke kula da masallatai biyu masu alfarma na Haramain Sharifain ne ya sanar da hakan a shafin Facebook.

Hakan na nufin Arfa za ta kasance ranar Juma’a 8 ga watan Yuli, babbar sallah kuwa za ta kama ranar Asabar 9 ga watan Yulin 2022.