Ƴan sanda 3 sun samu rauni yayin da ƴan bindiga suka buɗe wuta ga jerin gwanon motocin Ganduje

Ƴan bindiga sun buɗe wuta ga jerin gwanon motocin gwamnan Kano Dr. Abdullahi Umar ganduje a daren jiya talata.

Rahotanni sun ce ƴan sanda uku ne suka samu rauni sakamakon harin da ƴan bindigar suka kai hari ga jerin gwanon gwamna Ganduje.

Jaridar Daily Trust ta ruwaito cewa gwamnan na Kano yana kan hanyar sa ce ta dawowa Kano daga garin Gusau na jihar Zamfara bayan ya halarci taron gangami na jam’iyyar APC.