Ƴan sanda sun bankaɗo gidan da ake ajiyar makamai a Kano

Ƴan sanda sun bankaɗo gidan da ake ajiyar makamai a Kano.

Jami’in hulɗa da jama’a na ƴan sandan jihar DSP. Abdullahi Haruna Kiyawa ya ce, sun bankaɗo wani gidan a garin Wangara na ƙaramar hukumar Rimin Gado.

An samu bindigogi ƙirar AK47 da kuma harsasai a gidan.

Tuni ƴan sanda suka cafke mai gidan Abubakar Isma’il ɗan shekara 30, inda suka shiga faɗaɗa bincike.

Kiyawa ya ƙara da cewa, binciken da suka gudanar zuwa yanzu ya nuna cewa Abubakar ɗin na aikata ayyukan ta’addanci tare da haɗin gwiwa da wasu ƴan ta’adda na maƙotan jihohi.

“Yana basu bindigogi su je wasu yankunan Katsina da Kaduna su kai harin ta’addanci, mun same su da hannu cikin aikata laifuka da dama” a cewarsa.