Ƴan Sanda sun hana ƴan Jarida shiga kotu don ɗauko hukuncin Abba da Gawuna

Jami’an rundunar Ƴan Sandan jihar Kano, sun hana Manema labarai shiga harabar Kotun Sauraron Ƙararrakin zaɓe ta Kano domin shaida hukuncin da Kotun za ta yanke a shari’ar da ake yi tsakanin Injiniya Abba Kabir Yusuf na Jam’iyyar NNPP da Alhaji Nasiru Yusuf Gawuna na jam’iyyar APC.

Duk da Asubancin da ƴan jarida suka yi wajen halartar harabar kotun, sai dai jami’an ƴan sandan sun yi ƙememe tare da hana su shiga.

Haka kuma, Ƴan sandan sun koro wakilan kafafen yaɗa labarai da dama zuwa can nesa da Kotun.