Ɗalibai da iyaye na kokawa kan ƙarin kuɗin karatu a jami’o’i

Ɗaliban jamo’in ƙasar nan da iyaye sun soma kokawa kan ƙarin kudin karatu da wasu makarantun suka yi.

Wannan dai na zuwa ne ƴan watanni bayan da kungiyar Malaman jami’o’i ta ASUU ta janye yajin aikin da ta ɗau tsawon lokaci tana yi ba tare da cimma matsaya ba.

Yanzu haka dai Malaman na cewa babu makawa sai an yi wa ɗaliban ƙari, domin shi ne abin da suka hango a baya, har suka tafi yajin aiki.