Tsaftar muhalli: An rufe kamfanin ɗura iskar gas a Challawa

Gwamnatin jihar Kano ta rufe wani kamfanin ɗura iskar gas a yankin Challawa tare da cin tarar su tarar Naira dubu ɗari 5.

An rufe kamfanin mai suna United Gas sakamakon karya dokar tsaftar muhalli.

Kwamishinan muhalli Dakta Kabiru Ibrahim Getso ne ya bada umarnin rufe shi tare da cin tarar Naira dubu ɗari biyar.

Kamfanin dai ya ɓude tare da ci gaba da ayyukan sa a safiyar Asabar ɗin nan, daidai lokacin da ake tsaka da gudanar da tsaftar muhalli.

Kamfanin zai ci gaba da zama a rufe har sai sun cika ƙa’idar da gwamnati za ta gindaya.

Kazalika tawagar zaftar muhallin ta ci tarar waɗanda suka karya doka nan take, da adadin tarar ya kai dubu ɗari shida da uku.