Gwamnatin tarayya ta kafa kwamitin da zai shawo kan wahalar fetur cikin gaggawa

Gwamnatin tarayya ta kafa kwamitin mutane goma sha hudu da zai gaggauta kawo karshen matsalar karancin man fetur din da ake fama da shi a fadin Najeriya.

Hakan na dauke ne ta cikin wata sanarwa da daraktan hukumar rarraba albarkatun kasa da ayyukan more rayuwa da kuma adanawa Ogbugo Ukoha ya fitar a jiya Talata lokacin da yake wata ganawa da masu ruwa da tsaki kan harkokin man fetur.

Ogbugo ya ce, sabon tsarin da za su gudanar a yanzu zai taimaka wajen saukaka karancin mai da ake fama da shi a wasu sassa.

Haka kuma ya ce, za su hada kai da wasu hukumomi don magance wannan matsala.

Ogbugo Ukoha kuma kara da cewa, dokar hukumar a cikin sashi na 181 ya basu damar kirkiro da sabbin dabaru musamman yadda za’a rika tsara rabon albarkatun kasa, ciki har da man fetur domin ganin man ya isa zuwa kowane bangare.