DSS ta musanta kama alkalin daya yanke hukuncin zaben gwamna a Kano

Hukumar tsaro ta farin kaya DSS a Nijeriya ta musanta rahotannin dake cewa jami’anta sun kama guda daga cikin alkalan da suka yanke hukunci kan zaben gwamnan Kano na 2023.

Wannan na zuwa ne bayan wani zargi da sakataren yada labaran gwamnan Kano Sanusi Bature Dawakin Tofa yayi, cewa gwamnatin Kano na da yakinin alkalan da suka yanke hukuncin zaben gwamnan jihar, jami’an tsaro sun gayyace su tare da tsare su.

Da yake musanta zargin yayin tattaunawarsa da jaridar PR-Nigeria, kakakin hukumar ta DSS Peter Afunanya, ya musanta zargin da sakataren yada labaran gwamnan Kano Sunusi Bature Dawakin Tofa yayi cewa an kama alkalan kotun sauraran kararrakin zaben jihar.

Rahoton: Abdulkadir Kiyawa