Connect with us

Labarai

Zargin Tazarcen Buhari: Mai yasa Osinbajo yake shan mazga?

Published

on

Tun lokacin da shugaban hukumar zaben Najeriya Farfesa Mahamud Yakubu ya ayyana shugaban kasa Muhammadu Buhari a matsayin wanda ya lashe zaben shugaban kasa na shekarar 2019, sannan aka rantsar da shugaba Buhari a karo na biyu a ranar  29 ga watan Mayu na shekarar bana.

Bayan rantsar da shugaba  Buharin a ranar 29 ga watan Mayu yake shaidawa manema labarai cewa da ya kammala wa’adin sa na biyu a ranar 29 ga watan Mayu na shekarar 2023 zai tattara ya nasa ya nasa ya koma birnin Daura wadda itace mahaifar shugaban kasar.

Wannan Magana ta shuagab Buhari ba kowa ne yayi mata wata fasssara ba, saboda an san abu ne sananne da ya kamata ace duk shugaban da ya  ke kammala wa’adi na biyu kaida ne ya tattara kayansa ya bar fadar  Gwamnatin ta tarayya.

Shi dai tsarin mulkin Najeriya ya bawa shugaban kasa da Gwamnoni wa’adin mulki na tsawon shekara hudu, idan an sake zaben sa yayi mai mai wanda hakan yana nufin shekara takwas kenan.

Yunkurin zarce wa’adin mulki da shugabannin Najeriya ke yi, ba wai wani abu ne sabo ba, daga ciki shugabannin mulkin soja ma sun so su dare a mulkin kasar nan amma hakan bai yi nasara ba.

Tun dai rantsar da shugaba Buhari kimanin watanni shida da suka gabata ake zargin cewa shugaba Buhari na kokarin wuce wa’adin mulkin da tsarin mulkin Najeriya na shekarar 1999 ya deba masa wato shekaru takwas kacal.

Wannan rade rade dake faruwa na tazarce ,haka aka zargi tsohon shugaban kasa Olusegun Obasanjo wanda shi ma yukurin na sa bai nasara ba.

 

Amma wani abu mai kama da juna ,sanda aka zargi tsohon shugaban kasa Olusegun Obasanjo da neman mulkin  Najeriya a karo na uku ya rika mazgar mataimakin sa Atiku Abubakar ta hanyar dakile shi a bangarori na siyasa da mukamai da harkokin siyasa har sai da ta kai ya cire masa dogari.

A yanzu ma, daga rantsar da shugaban kasa Muhammadu Buhari sai ga shi hakan ta fara faruwa ga mataimakinsa Farfesa Yemi Osinbajo.

A wa’adin shugaban kasa Muhammadu  Buhari na farko da ya fara daga watan Mayun shekarar 2015 zuwa shekarar 2019 inda ya kammala a shekarar bana ,shugaba Buhari ya bawa mataimakin sa damammaki inda shirin nan na samarwa matasa aikin yi yake karkashin Ofishin mataimakin sa Osinbajo, amma bayan sake rantsar da su, sai Shugaban kasa Muhammadu Buhari ya mayar da shirin samarwa matasa aikin yi na N-Power zuwa ga sabuwar maaikatar jin kan al’umma.

A wa’adin farko  kwamitin tattalin arzikin Najeriya yana karkashin jagorancin mataimakin shugaban kasa Farfesa Yemi  Osinbajo sai kuma kwatsam kwannan a wa’adin su na biyu  shugaban kasa Muhammadu Buhari ya sake kafa wani kwamiti  wanda zai rika ba shi shawara akan harkokin tattalin arziki wato Economic Advisory council.

Shugaba Buhari ya  dorawa tsohon gwamnan babban bankin Najeriya Farfesa Charles Chukwuma Soludo a matsyin sabon shugaban kwamitin tattalin arzki na gwamnatin ta sa sabuwa.

Kuma abun mamakin shi ne wannan sabon kwamiti da Farfesa Charles Soludo zai shugabanta zai rika kai rahotan sa ne kai tsaye ga shugaban kasa Muhammadu Buhari.

Wannan mazga da mataimakin shugaban kasa Yemi Osinbajo ke sha daga ofishin mai gidansa shugaba Muhammadu Buhari ta bar baya da kura .

Inda ko a kwanakin nan ma sanda shugaban kasa Muhammadu Buhari ya tafi hutu birnin Landan daga ranar 1 ga watan Nuwamban da muke ciki shugaban kasar ya tube mai taimakawa mataimakin sa Yemi Osinbajo su kimanin 35 .

Ta kai hatta sa hannu na wasu dokoki sai da aka bi  shugaba Buhari har zuwa birnin Landan ya saka hannu wanda a da ba haka bane.

A wa’adin shugaban kasa Muhammadu Buhari na farko ya kan mika wasika cewa mataimakin sa ne mukaddashin shugaban kasa ,amma a wannan karo da yayi hutun kwana kusan goma sha shida a kasar Burtaniya Farfesa Yemi Osinbajo a mataimakin shugaban kasa ya tabbata.

Amma a wa’adin farko sai shugaba Buhari yak an bawa mataimakinsa damar zama mai rikon mukamin shugaban kasa ko na kwanaki biyar inda ya bar doron Najeriya ya tafi ziyarar kashin kai musamman ma Burtaniya.

Continue Reading

Labarai

Abinda ya sanya ‘yan adai-daita sahu janye shiga yajin aiki

Published

on

A yau jumu’a ne direbobin baburan adai-daita sahu na jihar Kano suka kudiri aniyar tafiya yajin aiki da kuma zanga-zanga, sakamakon harajin kudi har naira dubu ashirin da shida da hukumar KAROTA ta sanya musu.

Sai dai biyo bayan wani zaman sulhu da shugabannin kungiyoyin ‘yan adai-daitar sukayi da shugaban hukumar KAROTA an cimma matsaya, inda akayi yarjejeniyar cewa direbobin zasu biya naira dubu takwas-takwas kafin karshen watan disambar da muke ciki.

Tunda farko dai hukumar KAROTA ta kudiri aniyar rage yawan direbobin adai-daita sahun ne, ka sancewar sunyi yawa a gari fiye da kima, domin kuwa duk inda ka zaga, zaka hangi kalar ruwan dorawa irin ta baburan wadda kuma tayi kama da kayan sarki irin na jami’an Hukumar ta KAROTA.

Baya ga hakama dai hukumar KAROTA na zargin wasu daga direbobin na KAROTA na aikata wasu munanan laifuka.

Sai dai a karshe shuwagabannin ‘yan adai-daita sahun sun amince da janye yajin aikin da kuma zanga-zangar da suka shirya farawa a yau jumu’a, sai dai an jiyo wani tsagin kungiyoyin ‘yan adai-daita sahun na Kano na cewa suna nan akan bakansu, don haka basu gamsu da waccan maslaha ba kuma zasu tsunduma yajin aikin a yau.

Allah ya kyauta.

Labarai masu alaka:

Gwamanatin Kano za ta rage yawan baburan adaidaita sahu

Hukumar KAROTA ta nemi a kebe mata Naira biliyan guda

Continue Reading

Labarai

‘Yan sanda a Kano sun gargadi jama’a kan aikata laifi ranar bikin Maukibi

Published

on

Rundunar ‘yan sanda ta jihar Kano gargadi al’umma, musamman bata gari da suke fakewa da lokacin taron jama’a domin aikata laifukan sara suka, da sauransu.

Cikin wata sanarwa da kakakin rundunar ‘yan sanda ta jihar Kano DSP. Abdullahi Haruna Kiyawa ya rabawa manema labarai a daren yau, ya bayyana cewa rundunar ‘yan sanda ta shirya tsaf domin kula da shige da fice aranar Asabar mai zuwa da za’a gudanar da bikin maukibin waliyai da mabiya darikar Qadiriyya gabatarwa duk shekara a Kano.

DSP. Kiyawa ya bayyana cewa sunyi shiri na musamman domin zakulo wadanda suke fakewa da irin wadannan taruka su tayar da hankalin jama’a, a don haka suna gargadin al’umma dasu guji yin shigar banza, ko sanya kayan mata ko kuma yin wata shiga wadda ta saba da al’ada ko kuma addinin al’ummar jihar Kano.

Labarai masu alaka:

Rundunar ‘yan sandar jihar Kano ta sake ceto wani yaro a Anambra

Rundunar ‘yan sanda ta Kano ta yi holin masu yin garkuwa da mutane

Kazalika rundunar ‘yan sandan jihar Kano tayi shiri na musamman domin dakile masu ta’ammali da miyagun kwayoyi, da sara suka ko kwacen wayoyi da sauran laifuka a yayin gudanar da taron maukibi na bana.

Haka kuma rundunar ‘yan sandan jihar Kano na sanar da jama’a cewa har yanzu dokar nan tana nan ta haramta yin wani gangami ko zanga-zanga ko wani taron jama’a ba bisa ka’ida ba, kuma duk wanda ya karya wannan doka to babu shakka hukuma zatayi aiki akansa a cewar, kuma anyi hakan ne domin tabbatar da zaman lafiya a jihar Kano a cewar DSP. Kiyawa.

A karshe rundunar ‘yan sandan ta taya al’ummar musulmi murnar zagayowar wannan wata da fatan za’a kammala bukukuwa lafiya.

Labarai masu alaka:

‘Yan film sun karrama kwamishinan ‘yan sanda na jihar Kano

Jihar Kano ta sami sabon kwamishinan ‘yan sanda

Continue Reading

Labarai

Ma’aikatan lantarki sun koma bakin aiki

Published

on

Kungiyar ma’aikatan wutar lantarki ta kasa NUEE, ta janye yajin aikin sai baba ta gani da ta fara a jiya Laraba da nufin janyo hankalin gwamnatin tarayyar Najeriya kan hakkokin mambobinta.

Kungiyar dai ta sanar da janye yajin aikin ne da safiyar yau alhamis sakamakon wani zaman gaggawa da ta yi da jami’an gwamnatin tarayya.

Shugaban kungiyar ta NUEE na kasa kwamared Joe Ajaero ne ya tabbatar da janye yajin aikin ga manema labarai, yana mai cewa, sun tattauna matsalolin ma’aikatan sosai kuma gwamnatin tarayya ta yi alkawarin shawo kan matsalar.

Jaridar Solacebase ta ruwaito cewa, shiga yajin aikin kungiyar ya biyo bayan karewar wa’adin kwanaki 21 da ku kungiyar ta baiwa ministan lantarki Saleh Mamman, domin duba bukatun mambobinta, inda kuma rashin sauraron su da ya yi ne ya sanya su fara yajin aikin.

Continue Reading

Now Streaming

Trending

Copyright © 2019. Freedom Radio Group. All Rights Reserved.