Connect with us

Labarai

Hukumar KAROTA ta nemi a kebe mata Naira biliyan guda

Published

on

Hukumar kula da zirga-zirgan ababan hawa ta jihar Kano KAROTA ta sake sanya Naira dari 100 a matsayin kudin haraji ga duk wani mai baburin Adai-adaita sahu.

Babban manajan daraktan hukumar Baffa Babba Dan Agundi ya bayyyana hakan jim kadan bayan kare kunshin daftarin kasafin kudin badi a gaban kwamitin kula da gidaje da sufuri na majalisar dokoki ta jiha.

Baffa Babba Dan Agundi ya ce hukumar ta KAROTA na sanya ran cewa zata samar da kudaden shiga na Naira biliyan shida ta hanyar yin rijista ga masu baburan Adai-adaita sahu da kuma sauran wasu motocin hanya.

Haka zalika shugaban na KAROTA ya ce tuni masu baburan Adai-adaita sahun suka fara biyan Naira dari kullum ga gwamnatin jiha, yana mai cewa ba wai hukumar kawai zata dinga karbar kudaden haraji a hannun masu motocin hanya ba, a’a har ma da sauya tunani masu take dokokin toki, da wayar da kan su.

Iftila’i: Dan KAROTA ya rasa ran sa

‘Yan sanda sun cafke sojoji kan KAROTA

An dambata tsakanin KAROTA da Sojoji

Baffa Dan-Agundi ya kuma kara da cewar nan bada jimawa ba hukumar ta KAROTA zata kaddamar da sanya na’urar takaita gudu a baburan masu kafa uku.

Ya ce hukumar zata aiwatar da wannan tsarin ne don kama bata gari da kuma rage ayyukan fashi da makami ne, biyo bayan shawarar da gwamnati ta yanki kan yadda ake yawan kuka da masu baburan Adai-adaita sahu.

Babban manajan darakatan hukumar ya kara da cewar hukumar ta nemi da a kebe mata Naira biliyan guda cikin kasafin kudin shekara ta 2020.

 

Labarai

 Zulum sarkin aiki – Inji masu iya magana

Published

on

Daga Nasiru Salisu Zango

farfesa Babagana Umara Zulum shine Gwamna da yanzu ya zama zakaran gwajin dafi a cikin gwamnonin Nigeria.
Kokarinsa da jajircewarsa wajen kare hakkin talaka a salon mulki irin na salihan baya, shine ya zame masa Jari wajen samun karuwa, ba a jihar Borno Kadai ba har ma a Nigeria baki daya.

Gidan radiyon freedom muryar jama’a zai cigaba da kawo muku Shiri na Musamman akan ayyukan Professor Babagana Umara Zulum gwamnan jihar Borno.

za’a yi ne a tasoshin mu dake Kano da Kaduna.

Shirin zaizo da karfe 7.30 na dare a tashar freedom Kaduna, karfe 8 zuwa 10-10:30 na daren Lahadin a tashar Freedom dake Kano.

HON. Tanimu Tahir Mbaya mataimakin gwamnan jihar Borno a Fannin Yada labarai shine ya dauki nauyin kawo shirin.

A kasance damu Dan Jin kokarin Murucin Kan Dutse Bai fito ba sai da ya shirya.

Rubutu daga Nasiru Salisu Zango

Continue Reading

Labarai

NAHCON ta karrama tashar Freedom Radiyo

Published

on

Hukumar aikin hajji ta kasa NAHCON ta karrama wakilin Freedom Radio a jihar Kaduna Abubakar Jidda Usman matsayin Dan Jarida mafi kwazo wajen kawo rahoton aikin hajjin da ya gabata.

A yayin wani bikin karramawa da kungiyar masu aike da rahotanni na aikin hajji masu zaman kan su suka shirya a birnin tarayya Abuja an baiwa hukumar jin dadin alhazai ta jihar Kano lambar yabo kan hukumar da tayi fice wajen kula da kayan alhazai.

Kazalika an karrama hukumar jin dadin alhazai ta jihar Kaduna matsayin wadda tayi fice wajen shirya aikin hajji.

Haka kuma an bada lambar yabo ga hukumar jin dadin alhazai ta birnin tarayya Abuja matsayin wadda tayi fice wajen samar da kyakykyawan masauki.
Sauran jihohin da suka samu lambobin yabo sun hada da Yobe, Kwara da kuma jihar Niger.

Continue Reading

Labarai

Zamu yi aiki tare da hukumar kiyaye hadura ta kasa dake Kano- Haroun Ibini Sina

Published

on

Hukumar Hisbah ta  jihar Kano ta kai ziyara ga hukumar kiyaye afkuwar hadura ta kasa a jiya Laraba

Babban kwamandan hukumar Hisbah Sheikh Muhammad Haroun Ibini Sina ne ya jagoranci tawagar hukumar Hisba don kai ziyarar.

Kazalika hukumnar ta Hisba ta nemi hadin kai domin yin aiki tare da jami’an hukumar kiyaye afkuwar haduran don ciyar da al’ummar jihar Kano gaba.

Da yake jawabi shugaban hukumar kiyaye afkuwar hadura ta kasa shiyyar Kano Zubairu Mato wanda ya karbi tawagar ta hukumar Hisbar ya nuna farin cikin matuka da wannan ziyara aiki.

Har ila yau Zubairu Mato yayi alkawarin cewa hukumar su zata yi aiki kafada-da-kafada da hukumar Hisbah musamman wajen lura da sanya idanu ga masu amfani da ababan hawa domin tabbatar da zaman lafiya ga al’umma baki daya.

 

 

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!