Connect with us

Labaran Kano

An cafke direban da ake zargin yayi sanadin mutuwar jami’in KAROTA

Published

on

Jami’an da ke aiki a sashin Operation Puff-Adder ne dai suka samu nasarar kame mutumin, wanda a kwanakin baya ya take wani jami’in hukumar kula da zirga-zirgar ababen hawa ta jihar Kano KAROTA mai suna Tijjanai Adamu mai shekaru 27, inda kuma ya tsere bayan da ya bi ta kansa da mota.

Jaridar Solacebase ta ruwaito cewa direban ya yi sanadiyyar mutuwar jami’in na KAROTA Tijjani Adamu, a mahadar El-Dorado dake Airport Road yayin da jami’in ke kokarin kwance lambar Motar a ranar 29 ga watan Oktoban da ya gabata.

Da yake gabatar da tambayoyi da aka nada ga direban a jiya Juma’a, kakakin rundunar ‘yan sands ta jihar Kano DSP Abdullahi Haruna Kiyawa ya bayyana cewa wanda ake zargin mai suna Alkasim Hussain, dan shekara 27 wanda mazaunin yankin Unguwa Uku ne, an kama shi a maboyarsa dake unguwar Farm Centre a Kano.

Haka kuma ya kara da cewa jami’an na Operation Puff-Adder karkashin jagorancin shugaban ofishin ‘yan sanda na Bompai, SP Daniel Itse Amah, sun kuma gano motar da ya kade marigayin da ita kirar Peugeot 307 dauke da daya lambar a jikinta mai harufa HZ 998 EKY.

Da yake bada amsa ga rundunar ‘yan sandan, wanda ake zargin ya amsa cewa shi ne ya take shi da motar amma ba da saninsa ya yi hakan ba.
Haka kuma ya kara da cewa motar ba tasa ba ce shi bakanike ne mai ita ne ya bashi gyaranta, kuma bai sanar da shi cewa ya aikata laifin ba.

Labaran Kano

Rundunar ‘yan sanda ta Kano ta ja hankali alumma kan zaben ranar Asabar

Published

on

Rundunar ‘Yan Sandan Jihar Kano karkashin jagorancin Kwamishinanta Cp Habu A. Sani, na sanar da al’ummar Jihar Kano cewa, hukumar zabe mai zaman kanta wato INEC zata sake gudanar da zabuka Ranar Asabar 25/01/2020 a Kananan hukumomin Bebeji, Tudun Wada, Doguwa, Rogo, Kumbotso, Kiru, Bunkure, Minjibir da kuma Karamar Hukumar Madobi.

Hukumar na bada tabbacin cewa tayi hadin kai da takwarorin hukumomin tsaro dake nan Kano domin tabbatar da anyi zabe lafiya an kuma gama lafiya,

A don haka, al’umma su tabbata sun kiyaye da wasu daga cikin sharudan da ta gidanya don samun nasarar zaben da suka hadar da,duk wani motsin ababen hawa kamar Motoci, Adaidaita Sahu da Babura an haramta shi tun daga daren jajiberen ranar zaben har a kammala a wadannan kananan Hukumomi Guda Tara da za’ayi zabe,  in banda motocin Asibiti, Jami’an Kashe Gobara, Ma’aikatan zabe da wadanda hukumar zaben ta tantance.

Haka zalika rundunar bata yarda duk wasu matasa yan tada zaune tsaye su kusanci inda ake gudanar da zaben ba.

Wannan na kunshe cikin sanarwar da kakkin rundunar ‘yan sand ana jihar DSP Abdullahi Haruna ya sanyawa hannu cewa, ta hana  daukar duk wani makami ko kuma abun cutarwa a yayin gudanar da zaben, jami’an tsaro ba za su amince da haka ba.

Haka kuma  Iya wadanda suka cancanci zabe za’a bari a harabar zaben.

Bugu da kari da duk wanda bashi da katin zabe da yake nuna lambar akwatin zabensa a wannan  yanki, hukuma zatayi awon gaba dashi.

Dangane da haka rundunar bata aminta da kawo wani mutum ko wasu mutane inda ake zaben ba. Matukar ba hukumar INEC ce ta tantance suba sannan  iya wakilan Jam’iyyun da hukumar zabe ta tantance aka amince da zuwan su zaben.

Daga karshe  rundunar ‘Yan sanda ta Jihar Kano na yiwa al’umma fatan yin zabe lafiya kuma a gama lafiya.

A Don neman taimakon  gaggawa ko kuma sanar da faruwar wani lamari, sai a kira wadannan lambobin 08032419754, 09029292926, 08123821575.

Continue Reading

Labaran Kano

Zamu gina Asibitoci a sabbin masarautu 4 na Kano- Ganduje

Published

on

Gwamnatin jihar Kano tace tuni ta bayarda kwangilar gina Asibitoci a dukkannin sabbin masarautin jihar Kano hudu wadanda zasuci gadaje dari hudu domin bunkasa harkar lafiya a jihar Kano.

Sakataren gwamnatin Kano Alhaji Usman Alhaji ne ya bayyana hakan a yayin taron Kungiyar Likitocin kananan yara ta kasa NAPCON.

Alhaji Usman Alhaji yace banda gwamnatin jihar Kano babu wata jiha a fadin Najeria data warewa bangaren lafiya kaso mafi yawa acikin kasafin kudinta sai jihar Kano.

Sakataren gwamnatin jihar Kano Usman Alhaji ya kuma nanata cewa gwamnatin jihar Kano zata cigaba da bunkasa harkar lafiya domin ciyarda bangaren lafiya gaba.

Wakilin mu Abdulkarim Muhammad Abdulkarim Tukuntawa ya ruwaito cewa Sakataren gwamnatin Kano Usman Alhaji na cewa gwamnatin Kano zata cigaba da baiwa bangarorin ilimi da lafiya fifiko sama da komai kamar yadda Majalisar dinkin duniya ta shaida cewa duk kasar dake son cigaba dole ne sai ta fifita wadannan bangarori guda biyu

Continue Reading

Labaran Kano

Tsohuwar budurwar angon Ba’amurkiya wani saurayi zai kai ta Saudiyya

Published

on

Har yanzu labarin matashin nan Suleiman Baba Yaro da ya tsinci dami a kala bayan soyayyar social media, da ta zame masa sanadin kulla alakar I love U da baturiya ba ta lafa ba, koda ya ke ta manyanta amma kowa ya yi ittifakin cewar, wannan ba matsala bane.

To amma yanzu tsohuwar budurwarsa Nafisa Tahir wacce a baya mun kawo muku hira da ita da take cewar, tayi tawakalli kuma Umma-ta-gai-da-Aisha.

Sai dai wancan hira da mu ka yi da ita ya jawo mata wani farin jini daga masoya inda mutane daga sassan kasar nan daban- daban ke cewar, su fa ta yi musu su na ciki, wasu cewa su ka yi ganin hoton ta ne ya ba su kwarin gwiwa domin sun ce duk inda kyau ya kai Nafisan ta kai.

Yayin da wasu ke cewar, muryar ta kawai da su ka ji ta burge su, yayin da wasu ke cewar ai abin da ya faru kuma su ka jiyo ta ta na tawakalli shi ne ya birge su su ka ga da cewar yi ma ta na huce, to amma ko da muka tuntube ta dan jin ko cikin tarin wadannan manema za ta zaba ta darje?

Nafisa ta ce lallai, ta dai gode amma ba wannan ne a gabanta ba, shi dai aure ikon Allah ne kawai a cigaba da addua.

Wakilinmu Aminu Abdu Bakanoma ya zanta da guda daga cikin mutanen da su ka nemi a sada su da Nafisa domin gwada sa’arsu, wanda ya ce, shi a shirye ya ke kuma daga auren sai tafiya Hajji.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!