Connect with us

Labarai

Amarya ta rasu ana dab da bikinta

Published

on

Wata matashiyar amarya mai suna Atika Isah yar asalin unguwar Sunusi dake jihar Kaduna ta rasa ranta a yayin da ake dab da fara shirye-shiryen bikin aurenta.

Ranar 31 ga watan Janairun da muke ciki ne aka sanya domin daura auren marigayiyar da angonta mai suna Engr. Nura Yahuza, kamar yadda kuke gani a katin daurin auren dake kasa.

Sai dai cikin ikon Allah amaryar ta rasa ranta sakamakon gajeruwar rashin lafiya a daren jiya Lahadi.

Shima a nasa bangaren angon ya wallafa a shafinsa na Facebook cewa

 

Tuni dai akayi jana’izar marigayiyar kamar yadda musulunci ya tanada a masallacin jumu’a na Usman Dan Fodiyo dake unguwar Sanusi a jihar Kaduna.

Idan zaku iya tunawa dai ko a karshen shekarar da ta gabata wata amarya ta rasa ranta, a yayin da take tsaka da rabon katin bikinta, sanadiyyar hatsari a babur mai kafa uku wato a dai-daita sahu (Napep) sakamakon ruwan sama da aka tafka a unguwar Rigasa dake jihar ta Kaduna.

Kazalika a watan Disamba na shekarar 2019 da ta gabata wata amarya ta rasa ranta, sakamakon fadawa rijiya a rashin sani, yayin da ake tsaka da shagalin bikinta a karamar hukumar Danbatta dake nan Kano.

Labarai masu alaka:

Amarya ta haihu bayan wata hudu da Aure

Garin da ake aure akan naira dubu hamsin (N50,000) kacal a Kano

Labarai

Karancin fitowar masu zabe abun tsoro ne- Abdulrazak Alkali

Published

on

Kungiyar karfafawa mutane gwiwa don shiga harkokin dimokradiyya ta jihar Kano tace dimokuradiyya diyya a Najeriya na fuskantar barazana musamman a hannun kowacce jam’iyya mai mulki wanda hakan ke nuna Demokaradiyya a kasar nan bata samu gindin zama ba.

Shugaban kungiyar karfafawa mutane guiwa da shiga harkokin dimokuradiyya ta jihar Kano Kwamared Abdularak Alkali ne ya bayyana hakan ta cikin shirin muleka Mugano na musamman na gidan Radio Freedom a jiya Lahadi daya mayar da hankali kan zaben cike gurbi da aka gudanar a ranar Asabar data gabata.

Kwamared Abdulrazak Alkali ya kara da cewa matukar mutane suka fara yanke tsammanin samun Adalci a zabukan da ake gudanarwa shakka babu, abun ba zai haifar da da mai ido ba duba da irin kura-kuran da jam’iyyun ke tafkawa a lokacin zabe domin ganin ganin Jam’iyyarsu tayi nasara.

 

Abdulaziz Alkali yace zaben cike gurbi da akayi a ranar Asabar data gabata  abun tsoro ne yadda aka samu karancin fitowar jama’a a wasu gurare sakamakon tsoron abunda kaje yazo na tashin hankali musamman yadda jagororin siyasa ke zuwa guraren zabe domin ganin jam’iyyarsu tayi nasara ta ko wane hali.

 

Wakilin mu Abdulkarim Muhammad Abdulkarim Tukuntawa ya ruwaito Shugaban kungiyar Kwamared Abdulaziz Alkali na cewa abun takaici ne yadda wasu kasashe suka ki amincewa da tura jami’an su masu sanya ido akan zabuka musamman a wannan zaben cike gurbi da ka gudanar a ranar Asabar data gabata sakamakon rashin ingantacciyar demokradiyyar kasar nan.

Continue Reading

Labarai

Sabbin sarakunan Kano sun kai wa Ganduje ziyarar taya murna

Published

on

Sabbin sarakunan 4 da suka hada da Rano da Karaye da Gaya da Karaye sun kai ziyarar taya gwamnan jihar Kano murnar samun nasara ta tabbatar dashi a matsayin gwannan Kano bayan da Kotun Koli tayi a ayyana shi ne ya samu nasara.

A ya yin ziyarar ta sabbin sarkuna sun kawo ziyarar tare da hakiman su .

Ka zalika gwamna ya tarbe  su a dakin taro na Africa House dake fadar gwamnatin jihar Kano.

Ziyarar sun kawo ta daya-bayan-daya, inda Sarkin Karaye ne ya fara zuwa, sai na Rano ,sai wakilin Sarkin Gaya , Sarkin Yakin Gaya Hakimin Ajingi , Alhaji Wada Aliyu Gaya, sai Sarkin Bichi da ya zo daga karshe wato Aminu Ado Bayero .

Continue Reading

Labarai

 Zulum sarkin aiki – Inji masu iya magana

Published

on

Daga Nasiru Salisu Zango

farfesa Babagana Umara Zulum shine Gwamna da yanzu ya zama zakaran gwajin dafi a cikin gwamnonin Nigeria.
Kokarinsa da jajircewarsa wajen kare hakkin talaka a salon mulki irin na salihan baya, shine ya zame masa Jari wajen samun karuwa, ba a jihar Borno Kadai ba har ma a Nigeria baki daya.

Gidan radiyon freedom muryar jama’a zai cigaba da kawo muku Shiri na Musamman akan ayyukan Professor Babagana Umara Zulum gwamnan jihar Borno.

za’a yi ne a tasoshin mu dake Kano da Kaduna.

Shirin zaizo da karfe 7.30 na dare a tashar freedom Kaduna, karfe 8 zuwa 10-10:30 na daren Lahadin a tashar Freedom dake Kano.

HON. Tanimu Tahir Mbaya mataimakin gwamnan jihar Borno a Fannin Yada labarai shine ya dauki nauyin kawo shirin.

A kasance damu Dan Jin kokarin Murucin Kan Dutse Bai fito ba sai da ya shirya.

Rubutu daga Nasiru Salisu Zango

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!