Da dumi-dumi: EFCC ta cafke Muntari Ishaq Yakasai

Hukumar yaki da cin hanci da rashawa ta kasa shiyyar Kano EFCC ta cafke kwamishinan ayyuka na musamman na jihar Kano Muntari Ishaq Yakasai bisa zargin karkatar da naira miliyan saba’in da shida mallakar karamar hukumar birni a lokacin da yake shugabantar karamar hukumar.

Kamun da aka yi masa ya biyo bayan takardar korafi da wasu suka rubuta akan sa kan zargin karkatar da kudaden da aka ware domin wasu ayyuka a karamar hukumar.

Har ila yau ana zarginsa da gine wani sashe na makarantar Firamare ta Kofar Nassarawa inda ya gina shaguna ya siyar dasu akan kudi Naira miliyan goma-goma sannan ya turmutsa kudin.

Sanarwar mai dauke da sa hannu Tony Orilade mai rikon mukamin jami’in yada labarai na hukumar ta EFCC shiyyar Kano ta bayyana cewa zasu gurfanar dashi a gaban kotu da zarar sun kammala bincike.