A lalubo mana wanda zai horas da Super Falcons – NFF

Shugaban hukumar kwallon kafa ta kasa NFF, Amaju Pinnick, ya baiwa wani kamfani kwangilar samar da mai horas wa wanda zai jagoranci kungiyar kwallon kafa ta mata Super Falcons da kungiyoyin ‘yan kasa da shekaru 23 da kuma ‘yan kasa da shekaru 20 tare da ‘yan kasa da shekaru 17.

Kungiyar dai ta Super Falcons ta kasance ba tare da mai horaswa ba, tun sa’ilin da Thomas Dennerby ya yi murabus shekara daya da ta gabata kan zargin rashin cika masa hakkokin aikin sa.

Amaju Pinnick, ya ce, “Za mu yi iya bakin kokarin mu waje ganin an samu gogaggen mai horaswa ga kungiyar ta Super Falcons, duba da kasancewarta a matsayin ta na babbar kungiyar kwallon kafa ta mata a nahiyar Afrika”.