A samarwa ‘yan Najeriya mafita kafin hajjin bana – NAHCON

Hukumar kula da aikin Hajji ta kasa NAHCON ta bukaci kasar Saudiyya da ta bullo da hanyoyi saukakawa ‘yan Najeriya, don samar musu da damar gudanar da aikin hajjin bana.

Shugaban hukumar Alhaji Zakrullah Hassan ne ya yi wannan rokon a liyafar cin abinci da sabon Jakadan Kasar ta Saudiyya a nan Najeriya, Faisal Bin Ibrahim Al-Ghamidy, wanda hukumar ta shirya.

A cewar Zikrullah, kasar ta Saudiyya za ta saka Najeriya a jerin kasashen da zasu gudanar da aikin hajji mai zuwa, don kuwa ‘yan kasar nan suka fara karbar allurar riga kafin cutar Corona.

Zikrullah ya kuma yiwa Sabon Jakadan fatan alkhari a ayyukan da zai gudanar a nan Najeriya.