Abin da ya sa aka sauya Kwamishinan ƴan sandan Kano

A makon da ya gabata ne aka sauya Kwamishinan ƴan sandan Kano Abubakar Lawan, biyo bayan zarginsa da rashawa.

Bayanan da Freedom Radio ta samu sun ce, tun a ziyarar da Babban Sufeton ƴan sanda ya kawo Kano ne jami’an rundunar suka soma yi masa ƙorafi.

Ƴan sandan sun zargi Kwamishinan da tilasta musu kawo kuɗaɗe ba gaira ba dalili.

Wasu ƴan sandan sun riƙa yaɗa hotunan Kwamishinan tare da kira ga a kawo musu ɗauki.

Ga wasu hotunan.

Rahotonni sun ce tuni aka kafa kwamitin bincike kan zarge-zargen da aka yi masa.