Adadin mutanen da suka rasu a gobarar Masallaci ya ƙaru- hukumar MMSH

Hukumar gudanarwar asibitin ƙwararru na Murtala Muhammad da ke Kano, ta ce, adadin mutanen da suka rasu sakamakon kona wasu masallata a karamar hukumar Gezawa ya karu zuwa goma sha uku.

Shugaban asibitin Dr Hussaini Muhammad, ne ya bayyana hakan a lokacin da ya karbi bakuncin dan takarar shugaban kasa na Jamiyyar LP Peter Obi a farfajiyar Asibitin.

Dr Hussaini ya kuma ce, a yanzu aka akwai mutane Takwas da ke karbar magani sakamakon kunan.

A nasa jawabin, Peter Obi ya ce, ya zo Kano ne domin jajintawa yan uwan wadanda ibtilahin ya shafa tare da adduar ya kiyaye gaba.

Idan za a iya tunawai dai, Shafiu Abubakar mazaunun karamar hukumar Gezawa ne ya kona wasu mutane da ke sallar Asuba a satin da ya gabata.