Da ɗumi-ɗumi: Majalisar dokokin Kano za ta yi wa dokar masarautu gyara

Majalisar dokokin Kano ta Amince da kirawo dokar masarautun Kano domin yi musu gyara.

Majalisar ta amince da hakan ne sakamakon ƙudurin gaggawa da shugaban masu rinjaye na zauren Alhaji Lawan Hussaini Chediyar ƴan Gurasa ya gabatar yayin zaman majalisar na yau Talata.

Bayan gabatar da wannan buƙata ne kuma ƙudurin ya samu goyon bayan wakilin ƙaramar hukumar Dawakin Kudu Shu’aibu Rabi’u.