AFCON: Ina fatan Osimhen zai iya buga wasannin mu masu zafi – Rohr

Mai horas da kungiyar kwallon kafa ta Najeriya Super Eagles Gernot Rohr, ya ce, yana fatan dan wasa Victor Osimhen dake taka leda a Napoli zai samu sauki kafin zuwan wasanni masu zafi da Najeriya zata fafata a cigaba da share fagen gasar cin kofin Afrika.

Dan wasan mai shekara 22 ya samu rauni a wasan da Napoli ta kara da Atalanta a gasar Serie A, a ranar Lahadi data gabata 21 ga watan Fabrairu a wata arangama da Cristian Romero.

Bayan Osimhen ya kwashe wasu lokuta a asibiti amma da alamun cewa yanzu ya samu sauki sosai.

Gernot Rohr, ya ce, “Ina bukatar Osimhen a cikin tawagar ‘yan wasana a fafatawar da za muyi a wata mai kamawa a cigaba da wasanni share fagen gasar cin kofin Afrika.”