Afenifere da kabilar Igbo Ohaneze Ndigbo sun goyi bayan kalaman Osinbajo

Kungiyar dattawan yarbawa zalla ta Afenifere da takwararta ta kabilar Igbo Ohaneze Ndigbo sun goyi bayan kalaman da mataimakin shugaban kasa farfesa Yemi Osinbajo yayi a baya-bayan nan da ke cewa matukar aka ci gaba da tafiya a yanayin da ake a yanzu ba ko shakka kasar nan za ta iya rabuwa.

Haka zalika itama kungiyar Pan Niger Delta Forum ta al’ummar yankin kudu maso kudancin kasar nan ta ce tana tare da mataimakin shugaban kasa kan wannan ikirari.

Sai dai a bangare guda kungiyar dattawan arewa ta ACF taga baikin mataimakin shugaban kasa kan furta wannan kalami da ta ce ko kadan bai dace ace mutum kamar shine ya fada ba.

A cewar kungiyar ta ACF ba daidai bane ace mataimakin shugaban kasa yayi wannan kalami a wannan lokaci da kasar nan ke cikin tsaka mai wuya.