AFN Crisis: Kowane shugaban tsagin bangarorin biyu zai gudanar da zabensa da ban

Rikicin shugancin hukumar wasannin guje-guje da tsalla-tsalle ta kasa AFN, na kara kamari yayin da kowane tsagin bangarorin biyu ke shirin gudanar da zabe a yau Litinin 14 ga watan Yuni.

Yayin da masu ruwa da tsaki a hukumar dake goyon bayan shugaban daya bangaren Inginiya Ibrahim Shehu Gusau za su gudanar da zabensu a jihar Kebbi.

Haka kuma, suma daya tsagin bangaren da shugaba Hon. Olamide George ke jagoranta dake samun goyon bayan ma’aikatar wasanni ta kasa za su gudanar da nasu zaben a Abuja.

A kwanakin baya ne hukumar wasan gudu da tsalle-tsalle ta duniya tare da mambobin hukumar AFN suka gudanar da taron kwanaki biyu don yin sasanci tsakanin bangarorin biyu, inda aka cimma matsayar gudanar da zabe a ranar 14 ga watan Yuni a yunkurin kawo karshen rikicin.

Yanzu haka dai masu ruwa da tsaki na cigaba da sanya ido domin ganin yadda sakamakon zaben guda biyu za su kasance.

AMM