Aisha Buhari Cup: Super Falcons ta doke kasar Mali da ci 2-0

Kungiyar kwallon kafar Mata ta Najeriya Super Falcons, ta yi nasarar doke kasar Mali da ci 2-0 a gasar Aisha Buhari Cup da aka fara a ranar Laraba 15 ga watan Satumbar 2021 a filin wasa na Onikan dake jihar Lagos.

Super Falcons dai jumulla ta yi nasarar wasanni 10 akan kasar ta Mali a dukanin haduwa.

Tun da fari ‘yar wasa Malian keeper ce ta zura kwallo a minti na 83 da fara wasan bayan samun taimakon Asisat Oshoala.

Kafin daga bisani ‘yar wasa Zenith Ziva ta kara kwallo ta biyu a minti na 91dab da kammala wasan.

Super Falcons dai zata buga wasa na gaba a ranar Talata 21 ga watan da muke ciki da kasar Afrika ta kudu a filin wasan data buga wasan farko.

Yayinda a gefe guda a wasan da za’a buga a ranar Alhamis 16 ga watan kasar Cameroon zata kece raini da kasar Morocco a filin wasa Onikan da ke jijar ta Legas.