Kano ta zama koma baya a fagen ilimin kimiyya da fasaha – ASUP

Ƙungiyar malaman kwalejin kimiyya ta ASUP ta ce, jihar Kano ta zama koma baya a fagen ilimin kimiyya da fasaha.

Mai magana da yawun ƙungiyar Abdullahi Yalwa ne ya bayyana hakan yayin wani taron manema labarai a Kano.

Ya ce, sun yi takaici matuƙa da yadda suka riski kwalejin kimiyya da fasaha ta Kano a cikin mawuyacin hali.

Abdullahi Yalwa ya ƙara da cewa, gazawar Gwamnati ce ya janyo harkar ilimi ke ƙara taɓarɓarewa.

A ƙarshe ya bayyana cewar, matuƙar Gwamnatin ba za ta riƙa mutunta bukatunsu ba, to ya zama dole su riƙa tsunduma yajin aiki kamar sauran ƙungiyoyi.