Freedom Radio Nigeria

Freedom Radio Nigeria

Labarai

Akwai yuwar samun ambaliyar ruwa a Kano – Masani

Published

on

Daga Mu’azu Tasi’u Abdurrahman

Wani masani kan al’amuran da suka shafi labaran kasa na jami’ar Yusif Maitama Sule dake nan Kano ya bayyana cewa akwai yuwar samun ambaliyar a wasu kananan hukumomin jihar Kano, sakamakon sauyin da aka samu wajen amfani da Koguna mussaman ma a damunar bana.

Malam Nazifi Umar Alaramma ne ya bayyana haka ta cikin shirin Duniyar mu a yau na nan Freedom radio da ya mayar da hankali kan rahoton da hukumar kula da hasashen masana yanayi ta kasa ta fitar a kwanakin baya cewa, akwai yuwar samun ambaliyar ruwa a wasu kananan hukumomin jihar kano guda ashirin 20.

Malam Nazifi Umar Alarmma ya ce akwai kanshin gaskiya a cikin wannan hasashen da ake yi na yiyuwar samun ambaliyar ruwa musamman a kananan hukumomin dake cikin kwaryar birnin Kano, sakamakon datse magudanar ruwan da ake yi a mafi yawan lunguna da sako na cikin birnin.

Ya ce matukar mutane ba za su yi hattara wajen daina gine-gine akan magudanan ruwa tare da gyara su ba, to shakka babu ruwan zai samarwa kansa hanya ta hanyar afkawa cikin gidajen mutane.

A nasa bangaren babban darakta na hukumar raya Kogin-Hadejia Jam’are Dr, Ado Khalid Abdullahi da ya kasance a cikin shirin ya bayyana cewa, a halin da ake ciki hukumarsu tana gudanar da gyare-gyare a cikin kogin Hadejia Jam’are wanda hakan ne yasa tilasta suka datse ruwan da hukumar ke sakowa a kewayen jihohin Jigawa da Kano domin amfanin manoma, wanda hakan zai taimaka wajen takaita iftila’in ambaliyar ruwan da ake hasashen samu a bana.

Dr Ado khalid Abdullahi ya kara da cewa rashin yashe Dama-daman da ake da su a yawancin kananan hukumomin dake wajen gari na taimakawa wajen samun ambaliyar ruwa a wadannan kananan hukumomi dake yankunan, inda ya ta’allaka al’amarin da sakacin gwamnatocin da suka gabata.

Bakin dai sun ja hankalin al’umma da su kaucewa yin gine-gine a kan magudanar ruwa don gudun fadawa mawuyacin hali a nan gaba dama damunar ta Bana.

Click to comment

You must be logged in to post a comment Login

Leave a ReplyCancel reply

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv
error: Content is protected !!