Aliyu Bakinzuwo ya nemi afuwar Afakallah kan kalaman ɓatanci

Wani matashi Aliyu Sabo Bakinzuwo ya nemi afuwar shugaban hukumar tace fina-finai ta Kano kan kalaman ɓatancin da yayi masa.

A wata ganawa da manema labarai, Bakinzuwo ya nemi afuwar Isma’ila Na’abba Afakallah game da wasu kausasan kalamai da yayi masa ta wani zauren WhatsApp.

A cikin kalaman dai Aliyun ya yiwa Afakallah zagin tsamar nama kan ayyukan hukumarsa.

Sai dai a yanzu ya ce, yayi nadama saboda haka yake neman afuwar Afakallahun kan ya yafe masa.

A nasa ɓangaren shugaban hukumar tace fina-finai Isma’il Na’abba Afakallah ya ce, yafe cin zarafin da matashin ya yi masa.

Na’abba ya ja hankalin matasa masu amfani da kafafen sada zumunta kan su guji cin zarafin jama’a.