Allah ya yiwa shugaban hukumar kashe gobara ta jihar Kano rasuwa

Allah ya yiwa shugaban hukumar kashe gobara ta jihar Kano Alhaji Sagir Madaki mai kimanin shekaru hamsin da shida a duniya, sakamakon gajeriyar rashin lafiya da yayi.

Marigayi Sagir Madaki ya rasu ne a Asibitin Aminu Kano a yau , kuma za’ayi jana’izarsa a yanzu haka kamar yadda addinin musulunci ya tanada.

Marigayi Sagir Madaki ya rsu  yabar mata guda da kuma ‘yaya bakwai kamar yadda mai magana da yawun hukumar ta jihar Kano Muhammad Ibrahim Sa’ida ya tabbatarwa wakilin gidan Redio freedom Abdulkarim Muhammad Abdulkarim Tukuntawa a lokacin da yake zantawa dashi ta wayar tarho da yammacin yau Talata.

Muna da cikakken bayani a labarum na Muleka mu gano