Al’ummar unguwar Shekar Mai daki sun yi tayin gidajen su ga Dagaci

Mazauna unguwar Shekar Mai daki dake karamar hukumar Kumbotso a nan Kano, sun yi tayin gidajen su ga dagacin yankin Malam Badamasi Muhammad.

Tayin ya biyo bayan kin jinin sababbin zuwa unguwar da suke zargin dagacin na yi.

Wasu mazauna unguwar sun shaidawa Freedom Radio cewa dagacin yana nuna musu kyama da wariya a matsayin su na baki, wadanda suka mallaki gidaje a wurin ba ‘yan asalin yankin ba.

Har ila yau, sun ce dagacin na taka rawa wajen dakile musu damarmaki da suke samu.

Wakilin mu Yusuf Ali Abdallah ya garzaya har gidan dagacin domin jin ta bakin sa amma ya ce a bashi lokaci, zuwa karfe biyar na yamma.

Kuma wakilin na mu yayi kokarin jin ta bakin dagacin a lokacin da ya bayar amma abin ya gagara.

Karin labarai:

Dagaci ya gano maboyar batagari a Kano

‘Yan garkuwa sun sace dagaci a Kano