An bada belin wadanda ake zargi da sanya wa Zainab Aliyu kwaya a jaka

Hukumar yaki da sha da fataucin miyagun kwayoyi ta kasa NDLEA ta bayyana takaicin ta kan yadda tace kotu ta bayar da belin wadanda ake zargi da sanyawa matashiyar nan Zainab Aliyu kwaya a cikin jakarta.

Shugaban hukumar ta NDLEA reshen jihar Kano, Dakta Ibrahim Abdul ne ya bayyana hakan ta cikin shirin Barka da Hansti na Freedom Radio.

Ya kara da cewa, suna fuskantar kalubale da dama wajen yaki da miyagun kwayoyi a Kano, ciki kuwa harda gudummuwar da wasu alkalai ke bayarwa wadda ke kara ta’azzara yawaitar sha da fataucin miyagun kwayoyin.