An boye daliban Kagara a Birnin Gwari – Matawalle

Gwamnan jihar Zamfara, Bello Matawalle ya ce dalibai da ma’aikatan Kwalejin Kimiyya da ke Kagara a jihar Neja da ’yan bindiga suka sace a ranar Laraba da ta gabata suna tsare a Birni Gwari dake jihar Kaduna tare da wadanda suka sace su.

Gwamnan ya bayyana hakan ne a shirin Talabijin na Channels yana mai tabbatar da cewa nan ba da jimawa ba za a saki wadanda aka sace.

Matawalle ya yi zargin cewa akwai hadin kai daga masu ruwa da tsaki wajen aikata miyagun laifi, wanda shi ne ya ke bai wa yan ta’addar nasara a cikin ayyukan da suke yi na ta’addanci a ƙasar nan.

A cewarsa, batun tsaro na bukatar karin himma daga dukkan masu ruwa da tsaki musamman na magance matsalolin ayyukan yan Boko Haram da masu garkuwa da mutane.