An ceto mutane da aka sace a tsakanin Kaduna zuwa Abuja – El- Rufa’I

Gwamnatin jihar Kaduna ta ce sojoji sun samu nasaran ceto mutane tara daga cikin wadanda aka sace a jiya lahadi akan titin Kaduna zuwa Abuja.

Hakan na kunshe ne cikin wata sanarwa mai dauke da sa hannun kwamishinan harkokin tsaron cikin gida Samuel Aruwan ya fitar jiya a Kaduna.

Sanarwar ta ce sojojin yayin wani rangadi a yankin Akilubu-Gidan Busa ne suka samu nasaran ceto mutanen.

A jiya lahadi ne dai ake zargin ‘yan bindinga suka sace mutanen bayan da suka tare wata motar safa mai daukar mutane goma sha takwas akan hanyar Kaduna zuwa Abuja.