‘Yan bindiga sun sace daliban jami’a a Kaduna

Rahotanni daga jihar Kaduna na cewa, ‘yan bindiga sun sace daliban wata jami’a mai zaman kanta mai suna Green Field university da ke garin Kaduna.

Rahotanni sun ce ‘yan bindigar sun sace daliban ne a daren jiya talata.

Jami’ar wadda ita ce irinta ta farko a jihar Kaduna da aka kafa ta shekaru uku da suka gaba, tana da mazauni ne akan titin Kaduna zuwa Abuja a yankin karamar hukumar Chikun.

Kwamishinan tsaro da harkokin cikin gida Samuel Aruwan ya tabbatar da faruwar lamarin.