An gano gawar Dattijo a rijiya bayan ya yi kwana 6 da rasuwa

Hukumar kashe gobara ta jihar Kano, ta tabbatar da mutuwar wani Dattijo mai suna Rabi’u wanda kuma akafi sani da Na Allah Siraka, bayan da ya kwashe kwanaki shida a cikin rijiyar gidansa.

Jami’in hulɗa da jama’a na hukumar Saminu Yusuf Abdullahi, ne ya sanar da hakan, ta cikin wani sakon murya da ya aiko wa Freedom Radio.