An kama mai sayar da jabun lambobin babura a Kano

Hukumar tattara haraji ta jihar Kano ta kama wani mutum bisa zarginsa da sayarda lambobin baburan adaidaita sahu da babura mai kafa biyu na bogi.

Mai magana da yawun hukumar Rabi’u Sale Rimin Gado, ya bayyana hakan ga manema labarai a ofishin hukumar dake nan Kano.

Ya ce, an dai kama mutumin mai suna Ibrahim Sale Darki dauke da lambobin da yawansu ya kai 208.

“Kudin lambobin sun kai Naira miliyan Biyu da Dubu dari Biyu, za kuma mu mika wanda ake zargin ga jami’an ‘yansanda domin fadada bincike,” a cewar Rimin Gado.