An kama mai taimakawa gwamna da zargin satar ƙarafan digar jirgi

Rundunar ƴan sandan jihar Nassarawa ta kama ɗaya daga cikin masu taimakawa gwamnan jihar da laifin satar ƙarafan digar jirgi.

Rahotanni sun ce mutumin mai suna Yusuf Abubakar Musa ɗaya ne daga cikin masu taimakawa gwamnan jihar Nassarawa, Injiniya Abdullahi Sule.

Kwmaishinan ƴan sandan jihar Bola Longe ne ya yi holen Yusuf Abubakar Musa tare da wasu mutane 16 a shalkwatar ƴan sanda da ke garin Lafiya, babban birnin jihar.