An kashe ƴan bindiga shida a Filato

Jami’an tsaro sun hallaka ƴan bindiga shida, a wani musayar wuta da suka yi a yankin Buwai na ƙaramar hukumar Mangu, sai dai ƴan bindigar sun hallaka ƴan sanda har uku.

Manjo Ishaku Takwa shi ne, mai magana da yawun rundunar wanzar da tsaro a jihar, ya tabbatar da faruwar lamarin.

Ya kuma bayyana cewa, sunsha artabu da ƴan bindigar inda har takai su da suka bisu har sansanin su tare da hallaka su.

Rundunar tabbatar da tsaron a Filato ta yi kira ga al’umma, da su ci gaba da bata haɗn kai, a ƙoƙarinta na fatattakar ƴan ta’adda a jihar.