Ana fargabar mutuwar wani mutum sakamakon haɗarin mota a Kano

Wata babbar motar dakon kaya ta kamfanin Ɗangote ta take baburin adaidaita sahu tare da bige motar gida.

Lamarin ya faru a mahaɗar kwanar kasuwa a titin sharaɗa da ke nan Kano.

Tuni dai jami’an tsaron ƴan sanda da jami’an kiyaye abkuwar haɗɗura da sauran su suka kai ɗaukin gaggawa tare da kwashe waɗanda abinda ya shafa don kai su asibiti.

Sai dai ana zargin guda daga cikin waɗanda haɗarin ya rutsa da su ya rasu nan ta ke, sakamakon danne shi da babbar motar ta yi.

Shaidaun gani da ido sun tabbatar da cewa lamarin ya faru da tsakar ranar Juma’a 01-10-2021.