Ana kace-nace kan takardar Abba Gida-gida ga Zainab Nasir

Cece-kuce ya ɓarke a kafafen sada zumunta kan takardar neman goyon baya da ɗan takarar Gwamnan Kano a jam’iyyar NNPP ya aike wa matashiyar nan Ƴar Gwagwarmaya Zainab Nasir Ahmad.

Matashiyar wadda ita ce shugabar ƙungiyar matasa, mai yaƙi da cutuka da mugayen ɗabi’u ta YOSPIS ta bayyana farin cikinta kan takardar.

Sai dai da alama wannan takardar bata yiwa wasu mabiyan Kwankwasiyya daɗi ba, inda suka shiga bayyana ra’ayoyinsu a kai.

Haka ma wasu da ba ƴan Kwankwasiyyar ba, sun shiga yin tsokaci kan lamarin.

Ga wasu daga ciki da muka tsakuro muku.

Tuni dai Kakakin Ɗan Takarar Gwamnan na NNPP Sanusi Bature Dawakin Tofa, ya tsawatarwa da ƴan Kwankwasiyyar da ke guna-guni kan wannan takarda ta Zainab.

A saƙon da ya wallafa a shafinsa na Facebook ya ce, ba Zainab kaɗai aka aike wa wannan takardar ba, har da masu ruwa da tsaki daga ɓangarori daban-daban.

Ku meye ra’ayinku a kai?