Atiku:Dole mu taimakawa gwamnatin Buhari

Tsohon mataimakin shugaban kasa Alhaji Atiku Abubakar ya ce gwamnatin shugaba Buhari tana bukatar taimakon gaggawa.

A cikin wata mukala da ya gabatar mai taken: ‘Kasa mafi fama da marasa aikin yi’ Lokaci ya yi da za a taimaka wa gwamnati’ Atiku da ya yi wa jam’iyyar PDP takarar shugaban kasa a zaben da ya gudana a shekarar 2019, ya ce, taimakawa wannan gwamnati dai-dai ya ke da taimakawa kai.

Ya ce maimakon gwamnati ta rika sauraran shawara, amma sai ta rika daukar masu ba ta shawara a matsayin abokan gaba.

Tsohon mataimakin shugaban kasar ya kuma alakanta matsalar rashin tsaro da ke addabar kasar nan da rashin aikin yi da ya yi katutu tsakanin al’umma.