Ba mu yadda da tuban ‘yan boko haram ba – ƙungiyar ACF

Ƙungiyar dattawan Arewa ta ce, ba za ta amince da tuban yan ƙungiyar boko haram da suke yi a yanzu ba.

Shugaban ƙungiyar ta ƙasa Audu Ogbeh ne ya bayyana hakan ta cikin wata sanarwa da ya fitar.

Ƙungiyar ta ce idan za a yafewa ƴan boko haram ɗin da suka tuba to ya zama wajibi ga gwamnati ta saki duk wanda aka tsare bisa wani laifi don yin adalci.

Labarai masu alaka:

Sojoji sun dakile harin Boko Haram a Borno

Ogbeh ya ce, la’akari da irin ta’addanci da suka aikata a baya, kamata yayi gwamnatin tarayya ta fara hukunta su kafIn ta kai ga karɓar su a matsayin masu tuba.