Ba za mu bayyana sunayen masu ɗaukar nauyin ƴan ta’adda ba – Gwamnatin Tarayya

Gwamnatin tarayya ta ce akwai dalilai masu tarin yawa da ya hanata bayyana sunayen mutanen da suke ɗaukar nauyin masu aikata ta’addanci a ƙasar nan.

Ministan shari’a Abubakar Malami ne ya bayyana hakan, lokacin da yake ganawa da manema labarai a ƙarshen zaman majalisar ɗinkin duniya na ranar Laraba.

Malami ya ce “Duk da ɗaruruwan mutane da suke rasa ran su a yayin harin ƴan bindiga, hakan ba zai sa mu bayyana sunayen masu ɗaukar nauyin su ba, don gudun ƙara tsanantar lamarin da kuma lalata binciken da mu ke yi a kan su”.

A cewar Malami, dukkanin abinda gwamnatin tarayya ke aikatawa tana yi ne domin kare martabar al’ummar ta.