Ba zamu dawo da shalkwatar tsaron mu ta afurka zuwa Najeriya ba – Biden ga Buhari.

Kasar Amurka ta ce ba ta da wani shiri na mai do da shalkwatar tsaronta da ke kula da nahiyar afurka wato Africa command zuwa Najeriya ko wata kasa ta daban da ke nahiyar ta afurka.

Yanzu dai shalkwatar ta Africom yana da mazauni ne na dindin a birnin Stuttgart da ke kasar JAMUS.

Amurka ta yi wannan jawabi ne don amsa rokon da shugaba Buhari ya yi a baya-bayan yayin zantawa da sakataren harkokin wajen ta, Antony Blinken da ke neman kasar ta amurka da ta dage shalkwatar AFRICOMM daga Jamus zuwa nahiyar afurka don taimakawa yaki da ta’addanci da kasar nan ke yi.

Sai dai a wata sanarwa da shalkwataR tsaro ta amurka Pentagon ta fitar, ta nuna cewa kasar ba ta da wani shiri na sauye shalkwatar ta AFRICOM daga birnin Stuttgart zuwa afurka.