CBN ta ware biliyan 60 don sayo mitar wuta da za a rabawa jama’a kyauta

Gwamnatin tarayya ta ce babban bankin ƙasa CBN ya samar da jimillar naira biliyan sittin don sayo mitar wutar lantarki, wanda za a rabawa jama’a kyauta.

Hakan na cikin ƙundin bayanan nasarorin da shugaba Buhari ya samu cikin shekaru shida wanda fadar shugaban ƙasa ta wallafa.

Ta cikin ƙundin bayanan nasarorin, gwamnati ta ce, ware naira biliyan sittin don sayo mitocin da za a rabawa jama’a kyauta na daga cikin manufofin gwamnati na daƙile matsaloli da ke addabar ɓangaren samar da wutar lantarki.

A cewar gwamnatin tuni aka fara shigo da irin waɗannan mitoci kuma har an samu nasarar rabawa jama’a guda dubu ɗari biyu da tamanin daga cikinsu