Babu ministan da zai zo majalisa da zugar jami’an tsaro – Femi Gbajabiamila

Shugaban majalisar wakilai Mr. Femi Gbajabiamila ya ce babu wani minista da za a bari ya shiga majalisar da zugar jami’an tsaro da sunan kare kasafin kudin ma’aikatarsa.
Femi ya bayyana hakan lokacin gabatar da kasafin kudin badi da shugaban kasa ya gabatar a zauren majalisun tarayya.
Ya kara da cewa majalisar za ta kiyaye da dokokin rigakafin cutar Korona, na bada tazara a tsakanin juna da amfani da takunkumin rufe baki da hanci, a yayin zaman kare kasafin kudin.
Majalisar dai ta lashi tokobin hanzarta yin aiki akan daftarin kasafin kudin da nufin baiwa gwmanati izinin soma aiwatar dashi.