Babu wani rikici a jam’iyyar APC – Kabiru Gaya

Ɗan majalisar dattijai mai wakiltar Kano ta kudu Sanata Kabiru Ibrahim Gaya,ya ce babu rikici a jam’iyyar APC ta Kano.

Sanata Gaya ya bayyana hakan a yayin taron manema labaran da ya jagoranta na ƴan majalisun tarayyar Kano 21 da ke goyon bayan Gwamma Ganduje.

Gaya yayi watsi da ƙorafin da wasu ƴaƴan jam’iyyar suka yi kan tsarin tafikarwarta Kano.

Saboda haka yayi kira ga shugaban rikon jam’iyyar na ƙasa Mai Mala Buni, da yayi watsi da ƙorafin da aka yi masa.

Sanatan ya ci gaba da cewa, duk wani abu da ya taso na jami’iyyar to a sanya kowa a ciki domin kansu a haɗe ya ke.

Wannan dai na zuwa ne Kwanaki kaɗan bayan da wasu ƴaƴan jam’iyyar ƙarƙashin jagorancin Sanatan Kano ta tsakiya Malam Ibrahim Shekarau suka yi ƙorafi kan rashin kyakkyawan tsari wajen gudanar da jam’iyya a Kano.