Babu wani shugaban da yayi aiki irin nawa tun daga 1999 – Buhari

Shugaban ƙasa Muhammadu Buhari ya ce, babu wani shugaba a Najeriya da yayi aiki irin wanda yayi tun daga 1999 zuwa yanzu.

Shugaba Buhari ya bayyana hakan ta cikin jawabin da yayi wa ƴan ƙasa a yau, ta cikin sakon taya murnar cikia shekara 61 da samun ƴancin kai.

A cewar shugaban ya samar da ayyukan ci gaban ƙasa da tsarin zamantakewa mai kyau da shugabanci nagari ta yadda ƙasar ta zamo madubi a nahiyar Afrika.

Muhammadu Buhari ya ƙara da cewa, tun lokacin da ya karɓi mulki a hannun tsohohn shugaban ƙasa daga Goodluck Ebele Jonathan a 2015 Najeriya ta samu ci gaban da bata samu ba tun daga 1999 zuwa yanzu.

Ya kuma jaddada cewa tun lokacin da aka fara mulkin dimukradiyya a 1999 a zamanin mulkin sa ne kaɗai aka samu ci gaban da Najeriya ke buƙata.