Buhari ya dawo daga kasar Habasha

Shugaban ƙasa Muhammadu Buhari ya dawo gida Najeriya bayan halartar bikin rantsar da Firaministan kasar Ethiopia.

Shugaba Buhari ya dawo a ranar Talata inda ya sauka a filin jirgin saman Nnamdi Azinkiwe da ke Abuja.

Shugaban ya sauka a babban birnin Adis Ababa na ƙasar Ethiopia a ranar 2 ga watan Oktoba don halartar taron rantsar da Firaministan kasar Abiy Ahmad.

Buhari ya samu tarba daga shugaban ma’aikatan fadar shugaban ƙasa

Farfesa Ibrahim Gambari, da shugaban DSS da ministan birnin tarayya Abuja da sauran manyan muƙarraban gwamnati.